कोउन बनही मुख मंतरी

 एक राज होतीस तो कब के मुख मंतरी तेलंगाना अऊ मिजोरम जइसे बन गै रहीतिन। तेलानगा के मुख मनत्री ह तो तिरुपति घलो घूम आइस । ऐ तरफ तीन तीन राज के मामला हे । वो भी बिना मुख मंतरी के चेहरा बगैर लड़े चुनाव में जीते वाले पार्टी हे। वहूं गारंटी वाले तो गारंटी तुरते तुरत दे नई जाय।बेरा लगथे। अब बेरा लगथे तो हवा में नवा नवा नाम के मुख मनत्री बनाय के काम शुरू होगे हे।

कौन बनही मुख मंतरी ले ज्यादा कौन बनाही मुख मंत्री के नाम के चरचा हे। काबर के गारंटी वाले बबा ह पहली गारंटी हे पारटी म। 

छत्तीसगढ़ के कका भूपेश बघेल घलो बोलत हे कोऊंन बनही करोरपति चलत हे लेकिन हॉट सीट में भाजपा पारटी के एंग्री मैन ह बैइठे ते वो मन जाने के कौउन ल बनाहि मुख मनतरी।

ए तरफ तीन राज के मामला हे तो सबो राज के मनखे मन दिल्ली कोत देखत हे।

 जेन ल पूछो कौन बनही मुख मनतरी वो ह कोनो नाम ल बतात हे। हम अन छत्तीसगढीया अन तो हम अन ल अपन राज ले मतलब हे। हमर राज में 54मंनखे मन बिधायक बने हे। एमा 48झन के नाम मुख मनतरी बर नई हे। ये बात ह शाश्वत सत हे।अब बांच गै 6 झन। एमन के नाम रेंगत हे, दौड़त हे, आगु होत हे पिछवावत हे । सच ये हे कि दू झन छोड़ कोनो ल पता नई हे।

आज बइठक हे । सबके सांस ऊपर नीचे होथ हे। कौन ह मुख मनतरी बनना नई चाहे लेकिन हेड मास्टर ह कक्षा के कप्तान बनइया हे। दिल्ली से उड़ हे वो मन बंद लिफाफा ले के। 12बजे ले शुरु होही, ये बनही मुख मनतरी

 बंद लिफाफा में जेकर नाम हे ओकर बइठक में प्रस्ताव वरिष्ठ सदस्य ह करही।बंद लिफाफा के नाम के अनुमोदन होही

 फेर लिफाफा खुलही अऊ छत्तीसगढ़ के मुख मनतरी के घोषना हो जाहि।

 कालि एक ठो मीम चलत रिहीस। जे पारटी में मुख मनतरी के नाम लीक नई होथ हे ओकर राज में परीक्षा के पेपर घलो लीक नई होही।

 मैं ह जानत हो कौन बनही। छत्तीसगढ़ के मुख मनतरी वही बनही जेकर नाम लिफाफा में बंद हे।